A Xunta Directiva da CD Portas reunida este venres 15 de marzo de 2013, acordou seguir co calendario de actuacións, que xa aprobara na anterior reunión, e que levarán a cabo de non haber resposta do Concello de Portas á súa petición de que aporte os medios económicos comprometidos hai 4 anos, e dos que nunca máis se soubo.
As actuacións previstas pola Xunta Directiva son:
- RECOLLIDA de sinaturas (pais/nais, xogadores, socios, afeccionados e veciños de Portas)
- Solicitude aos grupos políticos da oposición da CONVOCATORIA dun Pleno Extraordinario.
- Celebración dunha CONCENTRACIÓN de apoio diante do Concello para a segunda quincena de marzo coa participación de todas as asociacions culturais, deportivas e sociais do Concello que se queiran sumar.
- Realizar unha xornada de PARO (non disputando partidos de competición con todas as sección do club).
- e xa coma medida final, RETIRADA de todas as seccións do club das competicións oficias na presente temporada.